Ramhuai HMEI!!!

*David-a leh Jenny*

Rinzuala chuan alo ngaithla reng a, Jenny chuan a sawizawm zel a “ tichuan Aizawl a kan awm hnu rei vakloh ah chuan thianpawh ka ngah tawh sawt hle a, chung ka thiante nen chuan tumkhat chu Party kan nei a, tah chuan ka thiante chuan an thian dangte kala hmelhriat loh te pawh anlo hraui tel a, chumi trum chuan mi pakhat ka tawng ta a, a ni chu David-a a ni a, a ni nen chuan kan inkawp chho a, mahse zu heh tak leh Ruihhlo duh ve tak hi alo ni a, ka pa ten an hriat chhuah hnu chuan thenturin min ti leh a, mahse kei chuan an duhloh zawng mi han kawp chu nuam ka ti tawlh tawlh a, mahse nangmah ka hriat chhuah chang che erawh chuan ka nun dan chu ka duhlo hle thin, eng vang nge mawni nangmah hi tawng leh tur ah inngaihna ka nei tlat thin a, nangmah nen a intawng leh tur a ka ngaihtuah chang phei chuan David-a chu then a, pangngai tak a nunhman chu ka tum thin. Mahse nang tawnni reng I awm thei silo,” a ti a, Jenny chuan mittui tling pam chung chuan Rinzuala chu a en a. Rinzuala chuan engmah chu a sawi ve lo a, mahse Jenny chu a khawngaih hle tih chu a hriat hle a.

Jenny chuan sawizawm lehin “ka nu leh pa ka runluih duhna avang chuan ka nun hman chu ka sim duhlo a, David-a pawh chu ka kawp chho zel a, David-a nen kan inkawp atang chuan zu ka in nasa ve tan hle a, damdawi pawh ka ei zeuh zeuh tan a, ka nun chu ka ning thei em em a, David-a chu then daihte ka tum thin, mahse….” A ti a, a ngawi ta daih a, a mittui chu alo luang leh ngiai ngiai a, a maimichhing ta daih a. Rinzuala chuan a biang a mittui luangte hruk hul sak pah chuan “ Jenny e nge ni ta, sawi a har viau chuan sawi tawhlo mai rawh” a ti a. Chutih lai tak chuan Bm-a chu alo lut a, Jenny chu rawn bia in “ Kha I harh tawh a ni maw, I tha em?” a ti a, Jenny chuan trap tih insum tak chung chuan “ ka tha e” a ti a, Bm-a chuan Nunpuia te hi anlo la thleng lo a An rawn thleng har tak tak a ni” a tih nghal zawm zat a. Bm-a chuan Rinzuala hnenah chuan “ I phone kalo hmang lawkmai” a ti a. Rinzuala chuan “ ka phone awmna pawh ka hrelo” a lo ti a, Bm-a chuan “chute ve bawk maw” alo ti a, Rinzuala leh Jenny boruak chu hrethiam tak chungin kalsan mai chu tha in a hria a, ‘Nunpuia te pawh chu anlo thleng ve mai ang chu maw’ ti rilru chungin inhnuailamah chuan a chhuksan ta a.

Jenny chuan a aw chu a thian kharh kharh a “ U Rinzuala kei chu mi tenawm, mi sual ka ni, tu hmangaih tlak ka ni tawhlo” a ti a. Rinzuala chuan “ engvangin maw hmangaih tlak I nih loh a nga?” a ti a. Jenny chuan “ ka nun dan te kha athalo tih ka hria a, zu leh damdawi te ka tih ve tak thin avang chuan ka nun dan chu sim a Davida chu then ka tum a, mahse,,,, (a ngawi leh deuh dat a.) Davida chu ka then theilo a ni” a ti a. Rinzuala chuan Davida chu “ I hmangaih viau a ni maw” alo ti a. jenny chuan “ ka hmangaih in ka hrelo, mahse ka duh ve lutuk , chuloah ka nu leh pa te runlhuih nan ka hman duh vang a nia, mahse david-a ka hriat chian hnu chuan ka then theilo a, diktak chuan ka thentheilo ni lovin, hlauhvangin ka then ngamlo a ni zawk” a ti a, Rinzuala chuan “ engvang maw I then ngamloh a” a lo ti vat a. jenny chuan david-a chu Setanic alo ni reng a, then ka tum tih a hriat chuan min vau thin a, engvang nge mawni hlau hle mah ila ani chu ka zui a, a thusawi engkim chu ka awih lo ngailo, mi hneh theihna riauna hi a neiin ka hria.

David-a chuan ka nu leh pa ten an duhloh zia chu a hre ve vek a, tumkhat chu inneih puiah chuan min sawm ta a, kei chuan ka nu leh pa ten an phal loh dan tur te chu ka hrilh a, a ni chuan an phalloh vang tak chuan lawm a rukin kan ineih dawn a ti a. A ruka an inneih dan tur te chu David-a chuan alo ruamhman lawk vek tawh hi alo ni a. chu chuan ka rilru a ti buai hle a, pasal tur atan meuh chuan ka duhbik silo , Mahse David-a chu ka hlau bawk si, ka nu leh pa te bulah hrilh dawn lahin ka nu leh pa te ka runluih vang a thleng a ni bawk si a. David-a min sawmna pawh chu ka aw chuanglo a, ka hnial bawk heklo. A tih ang ang chuan ka awm tawp ta ringawt a. David-a’n kan ineih hun tur a tih hun chu kan thleng ta a. Chu hun chu kum 2005, 19 may, Friday zan a ni a, chumi zan a tang chuan miten awm leh thianghlim tawhlo, Setanic an tih zing a mi chu ka ni ta a, a chhanchu ka pasal chu setanic zingah pawh an hotu ber a nih vang chuan,” a ti a. Jenny chu a inchhir hmel hle a, a in tenin a inhuat hmel hle bawk a.

(Thlamang zana inneihna kha, Episode – 26 )

Jenny chuan mittui tling kiau a Rinzuala en pah chuan “ u Rinzual min hmusitin, min nuihsawh lo hram ang che aw, mi tenawm tak ni mah ila, midangin min hmuhsitna leh min nuih zatna chu ka tuar thei ang, mahse nangin a min hmuhsitna erawh ka tuar zo in ka ringlo a ni” a ti a. Rinzuala chuan “ engvangin nge ka hmuhsit ang che nga, ka nuihsawh ngawt ang che, chu zawng hlau thawng duh miah suh” a ti a. Jenny chuan rinzuala thusawi chu a rin loh hmel hle a, Jenny chuan “ U Rinzual ila hrekim lova I sawi ve mai mai a ni, mahse I hriatkim hunah chuan I inchhir maithei a ni” a ti a. Rinzuala chuan “ ni e, kala hrekim lo a ni maithei, mahse ka sawi tawh a, chu chu a dik ngei bawk ang,” a ti a.

Jenny chuan a sawizawm leh a “ Ni 19 may, Zirtawpzan a ni a, Aizawl veng pakhat, veng mawnglamah a ni a, tah chuan David-a chuan min hruai a, a thian te kalo hmelhriat ve tawh leh la hmelhriat loh te pawh anlo tel ve hlawm a, kan kal dawn hian Zu kan in a, damdawi kan eitel bawk a. Veng mawng kan thlen chuan zan dar 11:13 vel a ni tawh a, kei chu ka kai chiai a, mahse thil engkim chu ka hrevek tho a, rui ti a han sawi em tur chu ak nilo a. Veng mawng a tang chuan veng pawn lamah chuan kan kal leh a, kan kalkawng chu a chhia tih ka hria, mahse ka kal ve zel tho a, kan kalkawng te chu a changin a chho a, a changin pheiah kan kal bawk a, kha mi zan khan Thla mang zan a ni a, kawng chu hmuh a har em em a, kalo kai bawk nen, midangte erawh chu an kal thang hle tih a hriat a, an Tourchlight eng leh thiante tanpui na zarah a hmun chu ka thleng ve thei hram a.

A hmun kan thlen chuan kan thawmhnaw te chu kan thlak a, Kawrfual dum chu ha in kan inbel vek a. Meichher Pali chu an chhi a, hmun zawl deuhah chuan kan dingtlar hlawm a, meichher te chu a sir kiltinah chuan an tar a. Kan awmdan chu ka rap ru riau a, hlauhruknachuan ka khat a, mahse haw leh thei ka ni tawhlo, eng emaw hian min hruai tlat niin ka hria a, David-a nen chuan a hmah ding chhuakin kan hma ah chuan lunglian tak dawhkan angtaka a chungzawl hi alo awm a, chumi hmaah chuan kan ding a, tah chuan No, pakhat leh chemte hi alo awm a, David-a chuan chemte chuan a kut chu a zai thi a, No, ah chuan a thisen chu a luanluh tir a, kei pawh chua ti ve tur chuan minti a, mahni ban han zai thi chu kahlauvin ka rap hle a, mahse David-a ka hlauhna leh chulai boruak chuan min thunnun tlat bawk nen, chemte chuan ka kut chu ka zai ve ta a, David-a tih ang chuan No, ah bawk chuan ka luan luh tir a, No, chu kan pahnih chuan chunglamah chawi chhovin kan thingthi a, David-a chuan thu eng eng emaw a chham a, a chham zawh chuan a tih ang chuan kalo chham ve zel a.

Chutia thu kan chham lai mek chuan a thli a lo thaw ta vuk vuk a, a hnu reilo te ah chuan thlazap ri ang tak hi alo ri a, kan hmazawnah tak chuan kan lamhawi hian hlimthla lian tak mai hi alo lang ta mai a, mahse a mak lutuk ka hlauhna te kha a bo vek nia mawle, chu hlimthla chu chibai bukin kan kun leh a, ti chuan No,a Thisen chu chu hlimthla chuan in turin a kut hmang chuan minhrilh a, David-a chuan a in a, ti chuan keipawh chuan ka thisen ngeimai chu ka in ta a, chumi ka in zo chu tihdanglam in ka awm in ka hria, ka taksa hi a mur uai uai a, zauthauna in ka khat a, ka sa deuh pap pap bawk a, tah chuan David-a chuan ka kawr fual hak chu min hlih sak a, ruak vekin ka awm ta a, a hnuah chuan davida pawh chuan a kawrfual hak te chu a phelh ve ta a, ruak veka awm mah ni ila, ka zak miah lo, chhungril chu phurna in a khat a, David-a chuan min pawm kang a, kan hma a lungpui zawl chungah min mut ta a,” a ti a, a sawizawm hreh hmel hle a, mahse Rinzuala chuan a sawi tum chu alo hrethiam nghal mai a, Rinzuala chu a rilru a nat hmel hle a.

Jenny chuan sawizawm leh in “ chu zan Thlamang Zanah chuan Setana hmaah chuan kan innei ta a, kha mi zan atang khan kei chu Jail tang ang mai ka ni ta a ni, kir leh duhin nunsiam that a hmalam pan duh mah ila ka tan chuan a theih tawh loh a, lehkha chaih ang maiin hruiin min hling a, a duhna lamlam ah min chaihkual ni ber in ka inhria a, Chuvangin kei pawh chuan ka nun siam that tih vel chu ka tum buai duhlo a, ngaihtuah pawh ka ngaihtuah duhlo a ni, a chhan chu David-a khan nunsiam that a, kawngik dawh ka duh tih sawilo mah ila alo hrezel thei a, a hriat a piangin min nghaisa ta thin a,” a ti a, Rinzuala chuan Jenny chu a lainat a, a khawngaih a, a rilru a na em em bawk a. Jenny chuan sawi selin “ David-a nen kan inneih hnu thla thum vel chu a liam tawh ang tih ah chuan David-a chu damdawi Overdost-in a thi ta a, mak ang reng takin kei chu ka zalenin ka zangta huaiin ka inhria a, mahse lo inkawp ve reng kan nih avang chuan ngaihchang chu ka nei ve thin.

David-a a thih a tang chuan ka nun pawh chu ka duhdan chuan ka hmang chho ve ta a, ka thiltih thin zawng zawng chu sim vek lo mah ila ka nun chu a pangngai chho em em tawh a, ka fel em em ta a ni lova, zu lam chu kala in zeuh zeuh tho, ka nun chu siam that ka tum hle a, damdawi pawh ka ei tawlo a, mahse ka nun ka siamtha e ka tih hian Biakin lamah ka inkhawm thin ta e, ka tihna a ni chuanglo a, ka nu leh pa te nen kan inhmu tha e tihna pawh a ni chuanglo, Ka zalen a, hlim taka ka nun hman chhauh kha ka duh a ni. David-a chu hriat chhuah chang nei tho mah ila han ngaih em em ka nei tawh lova, ka hun hman mekah chuan ka hlim a, zalen taka hun ka hman chhauh theih tak vang chu a ni. David-a tel lova hlim taka hun ka hmang emaw ka tih lai chuan David-a hlimthla chuan minlo la umzui reng hi alo ni a, ka hriat chhuahna pakhat chu mipa pakhat minlo ngaihmelh ve tu hi a awm a, kei pawh chuan ka rilru chu ka han pe ve deuh a, mahse zan khat chu ka mumangah David-a chu ka hmu a, kha Thlamang zan a kan inneihna hmunah bawk khan a ni.

David-a chu a thinrim hmel hle a, a nupui ka nih tawh thu te, midang ka nei a nih chuan ka chung a thil thalo thleng turte chu thinrim tak chuan min hrilh a, chumi zan chuan ka mumangah chuan min nghaisa a, zing ka tho chu ka taksa chu a na in, ka sil thum a, ka mumang a thilthleng chu a tak ang mai niin ka hria a, he mi hnu atang hi chuan mipa min lo ngaih melh ve deuh tu pawh ka ngaihsak ngam tawhlo a, kha mi zan atang kha chuan ka mumangah chuan David-a chu ka hmu ta zeuh zeuh a, ka hmuhna hmun lah chu a ngai hlir a ni, kha kan inneihna hmunah hlir khan ka hmu thin a, ka hmuh hmasak ber zan a min nghaisak hnu kha chuan vawikhat mah min nghaisa leh ta lo a, mahse ata ka nih zia min hriattir in kha kan inneih zan a nupa nun kan hmanna ah bawk khan nupa nun chu min hmanpui thin a, zan a ka mumanga chutiang a ka hmuh a piangin a tuk zingah chuan ka taksa hi a sil thum zel, chuvangin David-a chuan minla um zuiin minla chenchilh reng tih ka hre ta a,” a ti a, hnuailam chu a bih ngar a. Rinzuala chuan Puitei’n Jenny room chhunga thil thleng a sawi te kha a hre chhuak leh uar uar a.

Kha zan Thlamang zan a thisen a inthawia, zungbun aiah kan thisen ngei hmanga inneihna thu kan tiam kha thriah mai mai theih hi alo nilo a, a hnu a ka hriat chhuah leh dan chuan kha mi zan khan David-a nen khan innei mah ila, ka thlarau leh keimah chu Setana hnenah kum khua atan a nupui niturin kalo inhlan reng zawk hi alo ni a, chuvangin ka tan tal chhuah ngaihna a awm loh avang chuan kawngdik han zawh ve pawh chu ka tum buai duh talo a, ka nihna ka hriat chian em avang leh saltang mai ka ni a, ka thih hnu ah pawh ka kalna tur chu ka hriat chian em avang chuan he khawvel a ka awm chhung tal chuan hlim taka ka nun hman chu ka tum ta zawk a, mahse thiante nen hlimtakin awmin mite hmuhah hlimhmel pu thin mah ila saltang ka nihna avang chuan a rukin ka tap fo thin a, ka beidawng em em thin, ka kalna tur a chiangsa tho a lawm tiin mahni inthah maite ka duh thin a, mahse chutiang rilru ka put a, mahni in tihhlum duhna ka neih a piang chuan eng nge a nih ka hrelo a, eng vang pawh ka hrelo, a thalam nge ni a, a chhelam tur pawh ka hrelo beiseina eng emaw hi keimah ah hian alo awm thin a, he khawvel thlakhlehna leh he khawvel chen duhna hian ka rilru chu a luah thin a, ka thih hun turah chuan ka thi ve mai ang tiin hlim tak leh nuam taka hun hmang tur chuan rilru ka insiam a, ka insiam nawn fo thin,” a ti a, Jenny hmelah chuan tunah tak hi chuan eng rilru nge a put ang tih a hriat theih oh a, a hmel lan dan chu hriatthiam mai theih pawh a nilo a ni. Rinzual chuan Jenny chu a tuihal takin tiin “ tui I in duh em?” a ti a, Jenny chuan alu chu alo bu nghat a, Rinzuala chuan tui chu a intir a. An tawnna hruite chu phelh mai a duh a, mahse zan lama an thiltawn avang khan a fimkhur hle a, a phelh duh leh talo a.

Jenny chuan Rinzuala chu nui deuh sang chunga en pah chuan, “ u Rinzual Thil pakhat ka hrilh leh ang che aw” a ti a. Rinzuala chuan “engpawh min hrilh rawh, kalo ngaithla ang” a ti a. Jenny chuan “U Rinzual keimahah hian beiseina engemaw hi a awm ve tlat a sin, he ka tanna tanga min chhuah zalen tur hian, mahse chu chu eng nge a nih a, tunge a nih a, engtik ah nge alo thlen ang tih reng ka hre silo” a ti a, Rinzuala chuan engmah a sawilo a, Jenny hmai chu a chul sak a. Rinzuala chuan “ chu I beiseina chu a thlen dik ka ring tlat a ni, beiseina hian min ti chak thin a sin” a ti a. Jenny chuan “ Beiseina ka neih chhan pakhat chu, heta kan kal hma deuh hian a nia, zankhat chu mumang ka nei a, ka mumangah chuan khuarkhurumah chirh dum hmunah hian kalo tang a, ka awmna chu a thim em em a, chu khuarkhurum chirh dum hmun a tang chuan chhuah ka tum thin a, mahse ka chhuak thei lo a, ka kawng a chin hnuailam chu a pil tawh a, ka tanna khuarkhurum bul lawkah chuan kawnghi a awm a, tah chuan mi anlo kal sup sup a, chung mite chu minpui turin ka au lawm lawm a, a then chuan an hria a, mahse min ngaihsak lovin min kal pel mai thin. Min tanpui tur leh min tanpui tum hmel reng ka hmuh loh avang chuan ka beidawng hle a, kei lah chu ka tanna khuarkhurum chirh dup hmunah chuan ka awm thleng velhi ka pil tawh a, ka mangang em em a, thi mai tawh dawn a ka inhriat avang chuan ka beidawng ta hle a, chutih lai tak chuan “ ka kut hi vuan rawh” tih ri hi ka hria a, ka han hawi chhuak a, a hmel chu ka hmu na in, eng ang hmel nge a put tih ka hretheilo a ni, a kut chu vawn tumin ka ban a, a kut ka man hma chuan chirh dup hmun ah chuan a hnuailam a tang chuan ka ke ah hian kut hian alo man a, hnuailam ah chuan min pawt lut dawrh a, chutia ka pil thut chu, chu kut ka tan a phar reng chuan ka kutah chuan minlo vuan hman a, chutia min pawh chhuah lai chuan ka harh ta zawk a,” a ti a. Jenny chu a thaw deuh halh a, Jenny chuan sawizawm lehin “ Kan inhmuh leh ni a kan inchibai khan kha ka mumang kha ka hre chhuak zawk a sin, mahse ka buaina in tranna a ni bawk a” a ti a.

Rinzuala chuan a hlimawm zawng a thu dang vawrh chu a tum a, Jenny hnenah ah chuan “ Kalo thlenni a, Ka rin loh leh beisei loh deuh a ka hmu thut che kha chu ka hamhaih in mak ka ti lutuk a, ka che lai ve tak tak a ni” a ti a, a nui sen sen a. Jenny chuan “ Ni e, I mak ti hmelkha ka la hrereng mai” a ti a, an nui suk suk a. Rinzuala chuan “ Nangpawh kha I hamhaih ve hle kha aw, a hnuah phei kha chuan min hlau ta emaw ka ti zawk hial a sin” a ti a. Jenny nui chu a tawp a, Jenny chuan “ U Rinzual zak theilo min tilo la, nang ka hmuh leh thut che khan keimah hi ka danglam nghal vek a, ka hlim a, keimah hi ka thar ta huai angmaiin ka inhria sin, mahse kan inchibai lai khan ka taksa hi a rawn hit thut a, ka bul velah hian thla in min kal pel thuak thuak ni in ka hria a, hlauhna in min rawn nang ching leh nghal a,” ka hre chhuak thut a, David-a hlimthla niin ka hre ta a, a chhanchu hun kha leh chen hmuh ka duh em em, ka lo zawn ruk leh ka theihnghilh theih miah loh kha ka hmu che in ka chibai mek che kha a ni a, tah chuan David-a thlarau chuan min rawn um zui ve nghal tih ka hre ta a,,, I kut pawh ka thlah nghal vat reng anih kha, kha mi tang khan, kei mah leh keimah pawh inhriat loh chang ka nei, keimahah hian min chenchilh tu an awm ta tlat niin ka hria” a ti a. Rinzuala chuan an in chibai lai a, Jenny hmel inthlak tak thut dan te chu a ngaihtuah let nauh nauh a.

(Jenny Nghaisakin a awm, Episode – 28 )

Chutih lai chuan Bm-a chu inhnuailamah chuan an hmeichhia te an awm tawh loh avang chuan eirawng bawlin alo buai ve mek a, ama tawkah chuan a buai ve hle a. Rinzuala chuan Jenny hmaia chul sak pah chuan “ Jenny Lungngai miah suh aw, I bulah ka awm reng dawn a, ka kalsan miah lo ang che” a ti a. Jenny chu a nui sen sen a, chutih lai chuan Jenny nui sen sen chu tawpin hlauhna hmel chuan a rawn thlak nghal a, a bul vel chu amelh kual ruai a, a mangan hmel hle a, Rinzuala chuan “Jenny Jenny engtin nge I awm, hlau miah suh I bulah ka awm reng a nia” a ti a, Jenny chuan Rinzuala thusawi pawh chu hria ni awm pawhin a langlo a, Jenny chu a buaiin, a mangang tak zet tih a hriat hle a, Rinzuala chuan a thlamuan mawlh mawlh reng a, chutih lai tak chuan Tukverh kawngkhar chu a rawn in hawng thut a, thli natak tleh angmai a ni, Jenny chu a au thrawt a, a tre chelchul a, a mang angin a hlauhhmel hle a, a khum te chu a rawn in sawi dawt dawt a, Jenny hlau lutuk chu a trap pur a, Jenny chuan mangang aw tak chuan “ ka duhlo, U Rinzual min pui rawh, khawngaihin minpui rawh, ka hlau a nia” a ti a. Rinzuala chuan “ ka kalsan dawn lo che, mangang miah suh I bulah ka awm reng a nia,” a ti a, Jenny chu a kuah nghet sauh sauh a, a theih ang ang chuan a thlamuan bawk a, mahse tih theih reng a nei silo a.

Chutia thawm anneih rin takah chuan Bm-a chuan thilthalo a thleng leh tih chu a hre nghal mai a, a eirawng bawl lai chu dahin, gas-te chu a off sawk sawk a, room lam pan chuan a chho nghal vat a, room a lo luh chuan Jenny khum chu alo che dawt dawt a, Bm-a chuan mak a ti hle a, Rinzuala chuan Jenny chu alo kuah chawih chawih a, chu tah Rinzuala chu thahruai ngahtakin a pawt dawrh ang mai hian khum mawnglamah chuan a tawlh thla dawrh a, chhuatah chuan a thal nghal tawp a, Bm-a chuan alo buaipui nghal vat a, Jenny lah chuan “ U Rinzual min chhan rawh, ka hlau a nia, min chhan rawh, minkalsan suh,” a ti lawm lawm a. chutih lai chuan khum che dawt dawt chu a tawp hmak a, a hnu reilote ah chuan Jenny chu tha chaktak in a sawi ang mai hian ataksa chu a insawi dawt dawt a, khum pawh chu a insawh leh dawt dawt tawh a, Rinzuala leh Bm-a chuan a ngaihna an hrelo hle a, Jenny hmaite chu ham na ni awm tak hian a rawn pilh thrawt thrawt a, a sam te chu duhtawkah kehsak ang mai hian a inherh nawk nawk bawk a, Jenny chu a rak tuar tuar a, a taksa che dawt dawt avang chuan an trawnna hrui chu a inphelh ta a, Jenny phuarna hrui a phelh chu Jenny chu lo tho chhuakin min chhanru tih pah chuan Rinzuala te awmna lam chu a pan phei nghala , khum mawng a thleng hman tih ah chuan a hnunglamah chuan a tawlh let dawrh a, Bangah te chuan thehtu awm ang maiin a intheh leng lawp lawp a, duhtawka paliantak leh chaktak in a thehpharlawp lawp hi a ang ber a.

Jenny chu Khumah cuan a mu leh thlawp a, a kut leh lam leh lam chu chelhsak angmaiin khumah chuan a bet tlat a, Jenny hmai chu duhtawka bengtu awm ang mai chuan a ri tawn sawk sawk mai a, Rinzuala te chuan han chhanngaihna an hrelo hle a, Jenny nghaisaka a awm lai chu rilru na tak chuan an thlir ringawt a, chhantum mahse dangtu nei ang maiin Jenny chu anva hnaih thei lova, a ngaihna an hrelo hle a. Jenny lah chu a chauh hmel tawh em em a, Rinzuala chuan a khawngaih tak zet a, a rilru a na hle bawk a, a mitah chuan mittui a tlingpam a, Jenny chu a thi maiang tih chu a hlau hle a. Jenny khuma a mu chu muang chang hian a kang ta riai riai a, Rinzuala leh Bm-a chuan mak an ti hle a, Sang tak thleng Jenny chu a kang chhauh hnu chuan khumah chuan a tla hnawk a, thawm pawh chu a rehzui ve nghal a, Rinzuala chu Jenny bulah chuan a phei vat a, Jenny chu a kuah ngawih ngawih a, a ko vak vak bawk a, mahse Jenny chu nikhaw hre lovin a awm leh tawh a. Bm-a chuan “ ti rawh I phuar tha ang, kan buai leh hma hian,” a ti a. Rinzuala chuan Jenny chu khumah chuan a mut tha a, an phuar tha ta sawk sawk a.

Chutia Jenny an phuar zawh hnu chuan Bm-a chuan “ Ti rawh inhnuailamah I chhuksan teh ang, hetia nikhaw hrelo a a awmlai tal hian, rawng I zuk bawlzo vat teh ang,” a ti a. Rinzuala pawh chuan “Ni e, a tha lawm” a ti a. Jenny chu lainat tih hriat tak chuan a thlir leh vawng vawng a. Bm-a chuan “ Nunpuia te pawh anlo thleng ve tep tawh ang, chaw te pawh ei hma a tha,” a ti leh a. Rinzuala nen chuan inhnuailamah chuan an chhuk ta a. Inhnuailam ah chuan Choka lamah an lut phei nghal a, an pahnih chuan Rawng chu an bawl chhunzawm a. Rinzuala chu a lungngaih hmelin a ngaihtuahna chu hmundangah daih a awm tih a hriat hle a, Bm-a chuan Rinzuan’n Jenny a ngaihtuah zia a hriat chuan Rinzuala chu a khawngaih rilru hle a, a dinhmun turte chu a hriatthiam pui em em bawk a. An tun hma nun engkim hriatpui veklo mahse Rinzuala leh Jenny an inhmuh leh atanga an inngainat nghal mai dan te, an awmdan atangte in an tun hma nun chu a rinhriat theih nghal mai a. mahse Bm-a chuan mak tih riau na a nei a, tun hma a Rinzuala ten an inhnuai an luahlai leh an inzui a, an inkawm chhung zawng khan Rinzuala chuan Jenny chungchang hi vawikhat mah a sawi chhuakin a hrilh miah lo kha mak a ti hle a. Bm-a chuan Rinzuala chu a zawt ta nge nge a, “ thianpa Jenny nen hian tunhma atangin inlo inhre tawh tih ka hria, hun rei tak in inhmuh loh hnuah in han inhmu leh a ni a, in awm dan atang leh tun a I ngaihtuah zia ka hmuh atang hian lo inhre satliah mai mai in nilo tih a chiang em em a, mahse kan inkawm chhung zawng khan Jenny hming hi ilam rik ka hre miahlo a, in chanchin min hrilh miahlo kha mak ka ti khawp mai, I sawi duhloh danah chhan tha tak a awm niin ka hria” a ti a.

Rinzuala chuan Bm-a lam rawn hawi pah chuan “ Ni e, vawikhat mah ka sawi chhuaklo, a chhan chu Jenny hi theihnghilh ka duh vang a ni. Mahse Ka theihnghilh thei ngailo, a mak khawp mai, I hriat angin in In kan luah lai pawh khan hmeichhe pakhat min tihpui in kha nen khan kan inzui ve a nih kha, mahse ka hmangaih thei lova, hmeichhia ngaihsakin bialnu te pawh neih tum ve thin mah ila Jenny min hriat chhuah tir tu anni leh thin a, chuvangin hmeichhe dang hi ka ngaihsak thei tak taklo a ni. Jenny ka hriat chhuah a piangin ka hmangaih zia ka hre chhuak leh thin a ni,” a ti a, reilo te chu a ngawi dat a, a hmelah chuan thinrimna, lungawih lohna hmel hi alo lang chhuak a, Rinzuala chuan lo sawi zawm leh in “ Jenny ka ngaihtuah chhuah a piang hian ka rilru a na thar leh thin bawk a ni, a mah hmangaih hle mah ila, a chhungte ka ngaihtuah chhuaklo thei thin si lova,a chhungte ka ngaihtuah a piangin ka zak a, ka thin a rim a, huatnain ka khat leh thin a tin ni, chuvangin Jenny hi theihnghilh hmak ka duh a, mahse ka theihnghilh theih siloh ah chuan sawi chhuah loh a, dahthat ka tum mai zawk a ni,” a ti a. Bm-a chuan “ I harsatna chu ka hriatthiampui khawp mai che, mahse Jenny chhungte chu engvanga hua nge I nih tih erawh chu ka hrethiam velo a ni,” a ti a. Rinzuala chuan a tun hma hun chu a ngaihtuah let leh tih a hriat hle a, Bm-a hnenah chuan Zopui Khua an awmlai a, Jenny nen an in tawn dan te leh an inngaihzawn chhauh dante, Jenny chhung ten anlo duh loh ruk zia te leh pawisa ru a an puh tak dan te, Police an mantir dan te leh nachin lawk a Jenny inpuanna te chu a hrilh ta vek a.

Bm-a chuan Rinzuala chanchin a hriat chuan Rinzuala chu a khawngaih thar leh em em a, a chunga chutiang thleng chu pawi a tihpui hle a, Jenny chhungten a chungah chutiang khawp a thilsual an ti chung pawh a Jenny ala hmangaih em em thei erawh a ngaisang zual sauh a. Bm-a chuan a zangkhai zawnga thu lak hram chu tumin Rinzuala hnenah chuan “ tunah chuan hei I kutah a awm tawh a lawm,, in intawng leh pawh hi Pathian ruat a ni mai thei sin, hetah hi chuan a chhungte an awm ve loh hi maw” a ti a,a nui sun sun a. Rinzuala pawh chuan “ ni e, kum tam tak kan inhmuh loh hnuah kan han inhmu leh a ni a, Pathian ruat a nilo ka ti ngam bik miahlo,” alo ti ve a, an nui dun leh thei